1. معالجة الامراض التى تدمر النفس البشرية (سيتم مناقشة الامراض وسردها لاحقا)
2. الارتقاء بالنفس البشرية لكى نستطيع التعايش مع واقعنا
3. ان نثبت للناس جميعا اننا مسلمون حقا باخلاقنا وتعاملاتنا

1. الكبر
2. الحقد
3. القلق
4. الغضب
5. نكران الجميل
6. الحسد
7. الكراهية
8. الكذب
9. النفاق

بصراحة دعوة جميلة جدااا
وفي امراض كثيرة لازم نتخلص كلنا منها بجد
ام تقى منورة بطرح رائع وشافي للامراض النفسية
كل التقدير لشخصك الجميل

احبك الله الذي احببتنا به
مشكورة حبيبتي
وانا معاك قلبا وقالبا
جزاك الله كل خير

وانا معاكي وهذاعملي



كل الشكر والتقدير
على المعلومات القيمه
والابداع في طرحك وتقبل
مني أجمل تحيه وتقدير

جزاكم الله خيرا على تفاعلكم معى وانا وانتم إن شاء الله نصل بالرقى فى سلوكيتنا

السلام عليكم اولا انا بعتذر عشان تاخيرى بس الظروف حاكمت ههههه معذرة وانا ان شاء الله هبدا دلوقتى بس يارب الاقى تفاعل معايا عشان مش يحصلى احبط اولا هبدا بمرض اسمه الكراهية وطبعا احنا عرفينه وربنا يعافينا جميعا منه

ونبدأ ببسم الله الرحمن الرحيم
اولا ايه هى الكراهية
الكراهية:اكنان البغض لشخص ما نتيجة حدث ما لدرجة امتناع النفس عن الغفران
ايه الكلام الكبير البايخ اوى ده
انا هقولكم يا احلى اخوات بمعنى انك بتكره شخص اوى نتيجة انه عمل معاك مثلا موقف معين او اى حدث لدرجة انك مش قادرتغفر له الخطأ ده وبتكره وتبغض الانسان ده اوى
وطبعا كتير مننا بتحصل معاه مواقف حتى من ناس قريبة ليه جدا فبالتالى بيكرهم اومش بيكرهم بالمعنى بتاع الكلمة انما بيشيل منهم ومعنى انه بيشيل منهم انه بيعانى من مرض الكراهية
اتمنى انى اكون وصلت المعنى بالظبط يارب ويكون واضح للكل
نيجى بقا لحاجة تانية وهى ايه اسباب الكراهية دى
الاسباب:
1-نتيجة حدث معين زى ماقولنا قبل كدة
2- ممكن يكون نتيجة مرض اخر زى الحقد او الحسد وده سبب خطير جدا
3-التمييز فى التعاملات من شخص لاخر بيولد الكراهية
4- اجبار الانسان اوغصبه على عمل معين بيولد الكراهية تجاه هذا العمل
وبصراحة ده حاجة خطيرة جدا لانها من اسباب اعاقة الانتاج وعدم التمييز فى هذا المجال
5-الضغط النفسى بيولد الكراهية
6- عدم القناعة وده سبب ايضا فى منتهى الخطورة
وفى طبعا اسباب كتير بتولد الكراهية بس انا اتكلمت على الاسباب مننا للى حوالينا يعنى ممكن نكون احنا كويسين ومش بنكره حد بس فى حد بيكرهنا ممكن يكون لنجاحنا فى اعمالنا ومجتهدين عندنا مال او جمال وماشابه ذلك مما يولد الحسد لدى الناس فتبدأ تكرهنا علشان كدة انا قولت ان الحسد والحقد ممكن يأدوا للكراهية
كدة احنا اتكلمنا عن التعريف والاسباب طب ماتيجى بقا نسأل بعض بامانة وكلام يشهد عليه ربنا انا ليه بكره فلان او ليه بكره فلان
تفتكر ان فلان اوفلانة دول يستاهلوا انك تغضب ربنا علشانه مهما كان الموقف اللى عمله معاك
طب بلاش كدة
تفتكران فلان او فلانة دى عمره ماعمل معاك حاجة كويسة تغفرله اللى عمله معاك فتسامحوا
بلاش كدة كمان وخلينا نتكلم على اسس علمية اكتر
دلوقتى لازم كل واحد فينا يفتكر الناس اللى هو بيكرهم ويبدأ يفكر ايه اللى عملوه فيه الانسان ده لدرجة انى مش قادرة اسامحه
اه ده الانسان ده خانى واناكنت ايداله صوابعى العشرة شمع وعمرى ما اذيته وهو اذانى لما حب عليا واحدة تانيةاو حبت عليا واحد تانى علشان كدة انا بكرهه
وطبيعى ان الخيانة دى ذنب كبير ما حدش يقدر يغفره لحد
بس ماتيجى نفكر سوا كدة طب هل انا ما كانش ليا دور فى انه يخونى
طيب هى الدنيا بدوم لحد ده زى ما خانى اكيد لازم تتردله من اقرب الناس ليه طب حتى لو ماحصلش معاه حاجة فى الدنيا ده انا ليا رب اسمه كريم مش هيضيع حقى علشان كدة انا هوكل ربنا عليه صحيح انا اتوجعت وحسيت بالظلم لما خانى من غير ذنب بس برده انا اكرم منه وهسيبه على ربنا ومش هكره لانه هيحصله اللى حصلى فى يوم من الايام بالعكس ده انا لازم اشفق عليه لان ربنا مش هيضيع حقى ابدا
طب ده انا كمان ممكن اسامحه علشان اكيد هكون عند ربنا احسن منه واكيد كلنا عايزين نكون كويسين عند ربنا
وزى ماعرفنا ان الحقد والحسد بيولد الكراهية ان كمان التسامح بيزيل الكراهية دى ويمحوها تماما
ده كان مثال
ومش هقول ان كل الناس تقدر تعمل كدة بس على الاقل تحاول مجرد محاولة
وماننساش حديث الرسول صلى الله عليه وسلم (التمس لاخيك بضعا وسبعون عذرا فان لم تجد له عذر فاختلق له عذر)
ده فيما معنى الحديث يعنى ممكن يكون كراهيتى لشخص ناتجة عن وهم انا حطاه فى دماغى ويطلع هو برئ من الوهم ده علشان كدة بنقول نفكر فى الاشخاص ونفكر احنا ليه بنكرهم
ودلوقتى بعد الاطالة دى انا هسيبكم تكتبوا مواقفكم من الناس اللى بتكرهوها علشان نشوف مع بعض الحاجة دى تستاهل انى انا اكره علشانها انسان واغضب ربنا علشانه
قولوا مواقفكم ونحاول نساعد بعض فيها علشان نتغلب عن المشكلة دى
وانا كمان هدخل ان شاء الله الموضوع تانى وهاحكى مواقفى وهقولكم ازاى اتغلبت عليها
وكمان علشان نعرف العلاج فى النهاية ونعمل واجب صغير نشوف بيه احنا استفدنا ولا لا ولسة لينا كلام كتير ان شاء الله عن الكراهية
استودعكم الله وماتنسوش الرد ياحلوين
ويارب كلنا نفيد بعض
السلام عليكم ورحمة الله وبركاته

يسلموو اختي ام تقى
قلمك راقي برقيك حبيبتي
تسعدني مواضيعك كثيرآ
اراء فيها المتعه في النقاش
وهانتي اليوم ترتقي بنا بموضوع رائع يستحق التثبيت ... لكي يراءه الجميع ..
اعتذر لكي غاليتي .. لاني توي اشوف الموضوع ..
وانا معك قلب وقالب ..
لان بجد موضوع رائع
يعطيك العافيه ياقلبي
مودتي واحترامي لقلمك المميز ..